Памятныя мерапрыемствы арганізаваны ў многіх беларускіх гарадах, у сталіцы месцам іх правядзення стаў парк Дружбы народаў. У храме Іконы Божай Маці Спозыск загінуўшых прайшла жалобная цырымонія. Кветкі да помніка ахвярам катастрофы ўсклалі ліквідатары, прадстаўнікі дыпмісій, супрацоўнікі сілавых структур, актывісты грамадскіх арганізацый і неабыякавыя да чарнобыльскай трагедыі беларусы.
Аляксандр Барсукоў, начальнік ГУУС Мінгарвыканкама, удзельнік ліквідацыі наступстваў аварыі на Чарнобыльскай АЭС: Я сам быў ліквідатарам, для мяне гэта вельмі блізка. Я памятаю вёскі, дзе нёс службу. Гэта ўсё ў памяці. Непрыемныя ўспаміны, але гэта ўсё ў памяці застаецца. Таму яшчэ раз усім чарнобыльцам здароўя.
Мінская вобласць у краіне лічыцца адносна чыстай у радыяцыйным плане. Аднак і ў цэнтральным рэгіёне ў 9 раёнах ёсць забруджаныя тэрыторыі. Дзейнічае шэраг абласных праграм па абароне насельніцтва і ліквідацыі наступстваў чарнобыльскай катастрофы.
