Роўна пяцьдзясят дзён засталося да чэмпіянату свету па хакеі. Другая значнасцю спартыўная пляцоўка - Чыжоўка-Арэна - ужо цалкам гатовая да прыёму хакейнага спаборніцтва. На фінальным этапе будаўніцтва да спецыялістаў далучыліся і валанцёры. На працягу ўсёй восені студэнты і працоўная моладзь сталіцы наводзілі парадак на тэрыторыі арэны.
Мікалай Ладуцька, старшыня Мінскага гарвыканкама: Сабралася ўся моладзь, якая прымала непасрэдны ўдзел, дапамагала прафесійным будаўнікам у рэалізацыі, завяршэнні будаўніцтва гэтага комплекса. Сабралі мы іх для таго, каб сказаць словы падзякі за тую працу, якую яны правялі ў звышурочны час, у выхадныя дні.
Чыжоўка-Арэна змясціла каля шасці тысяч гледачоў - студэнтаў трыццаці ВНУ краіны і больш як дзясятка каледжаў. Менавіта яны працавалі на аб'екце падчас добраўпарадкавання. Падтрымаць валанцёраў пагадзіліся і маладыя беларускія артысты: Алёна Ланская, група Дрозды, кавер-бэнды і лепшыя танцоры сталіцы.
На працягу ўсяго будаўніцтва і добраўпарадкавання Чыжоўка-Арэны больш за 25 000 студэнтаў і працоўнай моладзі дапамагалі наводзіць парадак на аб'екце. Валанцёры ўвасобілі спартыўную мару ў рэальнасць. Таму зараз Чыжоўка-Арэна - паўнавартасны спартыўны комплекс, гатовы прыняць усіх гасцей чэмпіянату свету па хакеі.
Таму галоўнымі героямі вечара стала менавіта яна - моладзь Мінска. Кожную суботу пасля заняткаў тысячы студэнтаў і іх выкладчыкі працавалі на Чыжоўка-Арэне.
Усе прысутныя ў канцэртнай зале ўжо могуць сабой ганарыцца. Бо працу і пазітыўныя эмоцыі, якія былі ўкладзеныя ў Арэну, абавязкова адчуюць тыя, хто завітае ў нашу краіну ў маі.
