Аляксандра Драгун даведалася рэцэпт эліксіра маладосці.
Хваробы Марыя Няздолена лечыць выключна раслінамі са сваёй зялёнай аптэкі. З дапамогай ягад лаканосу правярае ўзровень гемаглабіну, а каліну ўжывае, каб знізіць ціск. У разнастайнасці гаючых рэцэптаў арыентуецца па ўласным даведніку. Жанчына ведае і эліксір маладосці. Ён таксама расце ў яе на дачным участку.
Побач - музей мёду. Рапсавы, ліпавы, грэцкі. 6 розных смакавых адценняў. Салодкім пачастункам Іосіф Збарашэўскі прапануе лячыць прастуду.
Шосты год запар пенсіянеры разам падводзяць вынікі дачнага сезона. Конкурс Ветэранскія дажынкі ператварыўся ў пляцоўку для абмену вопытам па вырошчванні лекавых траў і карысных для здароўя раслін. Напрыклад, ягады санберы дапамагаюць пры галаўным болі, паляпшаюць зрок і памяць.
Сёлета конкурс выйшаў на рэгіянальны ўзровень. Да сталічных ветэранаў далучыліся калегі з Барысава са сваім багатым ураджаем. Прывезлі 15 ядомых шэдэўраў. Капусту ператварылі ў зайца, а кабачкі - у цягнік з вагонамі.
Кампазіцыі з агародніны стварылі за дзве гадзіны. Дарэчы, журы ацэньвае не толькі творчы падыход, але ўнікальнасць пладоў. Бадай, у гэтым няма роўных Цэнтральнаму раёну сталіцы.
1-га кастрычніка пенсіянеры сустрэнуцца зноў у Палацы культуры ветэранаў, каб гэтак жа гучна і святочна адзначыць Дзень пажылых людзей.
