На яго толькі летась прыйшлося каля васьмісот закупак, сума якіх склала 8% гарадскога бюджэту. Амаль усе з дваццаці правераных конкурсаў прайшлі з парушэннямі. Праз што казна прыкметна пахудзела? Якаў Бута разбіраўся ў сістэме дзяржзакупак.
Праверыць тэндарны цэнтр даручыў Прэзідэнт. І не дарма - на яго толькі летась прыйшлося каля васьмісот закупак, сума якіх склала 1,3 трыльёна рублёў - гэта 8% гарадскога бюджэту. Амаль усе з дваццаці правераных конкурсаў прайшлі з парушэннямі.
Віктар Галацэвіч, намеснік начальніка галоўнага ўпраўлення кантроля Камітэта дзяржаўнага кантролю па г. Мінску:
Дзейнасць цэнтра не адпавядае асноўным задачам…гэта забеспячэнне эфектыўнасці дзяржзакупак і развіццё добрасумленнай канкурэнцыі сярод прэтэндэнтаў.
Адзін з яскравых прыкладаў - тэндар на закупку водаачышчальнага абсталявання для станцыі абезжалезвання на водазаборы Феліцыянава. Конкурс прайшоў са шматлікімі парушэннямі. Да яго дапусцілі адзін з навукова-практычных цэнтраў Акадэміі навук. Падобнага вопыту ў яго яшчэ не было. Як і дакументаў на абсталяванне. Але нават гэта не перашкодзіла цэнтру выйграць тэндар.
І ўсё гэта пры тым, што сума заказу - значная: амаль дзесяць мільярдаў рублёў. Гэта значыць сродкі фактычна замарожаныя ўвесь гэты час.
Вось гэтыя ёмістасці ўсталявалі тут больш за год таму. Але да гэтага часу нібыта рыхтуюць да запуску. І толькі пасля таго, як у справу ўмяшаўся Камітэт дзяржаўнага кантролю, вызначылі тэрміны здачы ў эксплуатацыю - 1 верасня.
Але і ў тым, што да канца лета паспеюць здаць, інспектары сумняваюцца. Ужо патуралі, абяцалі не прыязджаць у пачатку верасня. Невялікая затрымка не страшэнная. Галоўнае, каб абсталяванне ўсё ж такі пачало працаваць.
