Падчас святочных мерапрыемстваў, звяртаюць увагу ў ДАІ, па маршрутах паломнікаў будзе часткова перакрывацца рух і абмяжоўвацца паркоўка.
Як спланаваць свой маршрут, ведае Якаў Бута.
На святкаванне 1025-годдзя Хрышчэння Русі ў Мінск з'язджаюцца больш за 50 тысяч паломнікаў. У царкоўнай гісторыі Беларусі падзея такога маштабу пройдзе ўпершыню.
Ужо сёння, у 11 вечара, на чыгуначны вакзал прыбудзе Свяцейшы Патрыярх Маскоўскі і ўсяе Русі Кірыл і дэлегацыя памесных праваслаўных цэркваў. У сувязі з гэтым, з 23 гадзін да поўначы ў раёне Прывакзальнай плошчы часткова абмяжуюць рух і паркоўку. На гэтым цягніку ў Мінск даставяць і крыж апостала Андрэя Першазванага.
Асноўныя ж мерапрыемствы пачнуцца заўтра 7.30 раніцы. Хрэсны ход ад храма святой Марыі Магдаліны да замчышча - пляцоўкі ля Палаца спорту пройдзе праз праспект Машэрава і Пераможцаў. Працэсія вернікаў будзе рухацца па тратуарах, таму з сённяшняга вечара на суткі на гэтым шляху будзе абмежавана паркоўка.
Пакінуць сваю машыну не атрымаецца таксама ўздоўж вуліцы Мельнікайтэ і ў раёне плошчы Перамогі. Акрамя таго, паркоўка будзе забаронена і на праспекце Машэрава - ад вуліцы Ціміразева да Даўмана. Там размесцяцца аўтобусы паломнікаў у першых палосах у абодвух напрамках. У сувязі з гэтым на ўчастку максімальная хуткасць абмежавана да 40 кіламетраў за гадзіну.
Улічваючы тое, што ў сталіцу з'едзецца велізарная колькасць вернікаў, ДАІ рэкамендуе адмовіцца ад асабістых аўтамабіляў. Для гэтага гарадскія ўлады выведуць больш гарадскога транспарту.
