Яны павінны быць прафесіяналамі экстра-класа і паважанымі людзьмі. Нагадаем, 23 сакавіка па ўсёй краіне адбудуцца выбары ў мясцовыя Саветы дэпутатаў. Да выбарчай гонкі актыўна рыхтуюцца і прадстаўнікі цэнтральнага рэгіёну.
З кандыдатамі ў дэпутаты пазнаёмілася і Антаніна Станкевіч. Літаральна праз 40 хвілін у Куркаўскім доме культуры пачнецца дзіцячая дыскатэка і ўчастковы інспектар ужо тут як тут. Хоць наўрад ці вучні першых-шостых класаў маюць патрэбу ў пільным кантролі міліцыі, але пацікавіцца, якая спатрэбіцца дапамога, не пашкодзіць.
Ні адно мерапрыемства, якое праводзіцца тут, не абыходзіцца без участковага Сяргей Леанідавіча. Праўда, прыязджае не забаўляцца - проста работа такая.
Затым візіты да людзей. Не толькі вырашыць спрэчныя пытанні, але і проста пагутарыць па душах і адначасова высветліць, чаго не хапае людзям для шчасця ў родных вёсках? Гэтая інфармацыя для дэпутацкай дзейнасці лішняй не будзе, тым больш што выбары не за гарамі, а ўчастковы якраз стаў кандыдатам у дэпутаты. Так пажадалі самі жыхары яго ўчастка. Кіраўніцтва падтрымала такую ініцыятыву.
