Зрабіць непаўторныя прадметы інтэр'еру можна ў сталіцы на курсах вітражнага роспісу. На занятках навучэнцы распрацоўваюць эскізы будучых вырабаў і асвойваюць адмысловую тэхніку дэкору шкла з дапамогай спецыяльных фарбаў. Прадметы набываюць выгляд вітражоў, іх упрыгожваюць цікавымі арнаментамі і ўзорамі, а таксама выявамі кветак і раслін.
Такі від творчасці не патрабуе спецыяльных мастацкіх навыкаў. Навучэнцы ствараюць прыгожыя кампазіцыі ўжо на першым занятку.
