На "Славянскім базары" гэтым вечарам загучаць 14 новых галасоў.
У Летнім амфітэатры адбудзецца адна з інтрыгуючых падзей фестывалю - 31-шы міжнародны конкурс маладых выканаўцаў.
Музычнае афармленне забяспечыць Прэзідэнцкі аркестр. Пад жывое суправаджэнне ў выкананні вакалістаў прагучаць славянскія хіты. Так, інтэрпрэтацыю ўкраінскай песні "Зязюля" пачуем у выкананні прадстаўніка Італіі, а Расія прапануе рокавую версію хіта "Зямлян".
Беларуская прэм'ера ў выхаванкі прадзюсарскага цэнтра "Спамаш" Ганны Трубяцкой. 23-гадовая магіляўчанка выканае твор Леаніда Шырына.
Вакальныя здольнасці маладых выканаўцаў ацэніць журы на чале з народнай артысткай Расіі Ларысай Долінай. За драматургіяй конкурсу можна сачыць у прамым эфіры на тэлеканалах "Беларусь 1" і "Беларусь 24".