Кожную вясну ў свеце адзначаюць Дні французскай мовы. Стартавалі яны і ў Мінску. Канцэрты, кіно і выставы на адной з самых прыгожых і мілагучных моў паводле традыцыі аб'яднаюць франкафонаў. Культурную праграму ў сталіцы адкрыў калектыў "Ле баль дэ Марцін". Музыканты паказалі рознажанравую праграму з вядомымі французскімі рамансамі, а таксама італьянскімі песнямі, кубінскімі мелодыямі і ўсходнімі матывамі.
Удзельнікаў свята Франкафоніі чакаюць і гастранамічныя сустрэчы. 21 сакавіка рэстараны і кафэ Мінска паўдзельнічаюць у кулінарным фэсце. Напрыклад, можна заказаць вячэру з некалькіх вытанчаных страў французскай кухні.
