У "Мінск-Арэне" гучаць рытмічныя іспанскія матывы! Лядовая пляцоўка пераўтварылася ў гістарычныя вуліцы Севільі 19 стагоддзя. Беларускія гледачы сталі першымі, хто ўбачыць міжнародную прэм'еру шоу Ільі Авербуха "Кармэн". Класічную гісторыю іспанскай цыганкі на свой лад пакажуць звыш 80-ці артыстаў. Сярод іх чэмпіёны па фігурным катанні і лядовай акрабатыцы. Маштабныя дэкарацыі зрабілі спецыяльна для сусветнага турнэ. Каб перавезці іх, спатрэбілася сем фур.
Паглядзець шоу можна да канца тыдня. Затым артысты адправяцца ў Лондан і Сафію.
