Чым яшчэ напоўнены гэты дзень, спытаемся ў нашага карэспандэнта Вольгі Маслоўскай.
Дзень Саюзнай дзяржавы на "Славянскім базары" праходзіць з 2003 года. Парламентарыі ўдзельнічаюць у афіцыйных мерапрыемствах, а Парламенцкім сходам заснаваны два спецыяльныя прызы ўдзельнікам вакальных конкурсаў фестывалю.
Сёння ён пачаўся з патрыятычнай ноты. Парламентарыі ўсклалі кветкі да Вечнага агню на плошчы Перамогі. А напярэдадні пабывалі ў пасёлку Балбасава - там пабудаваны важны лагістычны цэнтр, які будзе працаваць на эканоміку Саюзнай дзяржавы.
Выстава народнай артысткі Беларусі Святланы Акружной
Сёння ўсе дарогі вядуць у Віцебск. У будынку гарадской ратушы адкрылася выстава народнай артысткі Беларусі Святланы Акружной. Жыццё ў святле рампы на фота, ва ўзнагародах і віншаваннях калег.Наперадзе жараб'ёўка ўдзельнікаў дзіцячага музычнага конкурсу
Тым часам у фестывальную сталіцу прыбылі тыя, у каго яркае творчае жыццё наперадзе. Праз дзве гадзіны ўдзельнікі дзіцячага музычнага конкурсу вызначацца, пад якімі нумарамі будуць выступаць перад журы.Віцебск чакае начное шоу "Залаты хіт"
На сцэне Летняга амфітэатра ў гэтыя хвіліны ідзе рэпетыцыя начнога шоу "Залаты хіт". Сярод запрошаных гасцей шмат вядомых і ўпадабаных артыстаў. Прапаную паслухаць іх уражанні ад сустрэчы з фестывалем.
"Залаты хіт" пачнецца а палове на другую ночы. Акрамя дыскатэкі, арганізатары абяцаюць гледачам і незабыўны віцебскі світанак.
