Манументальны балет ад грузінскай прымы, паблік-арт у звычайным трамваі і вялікія гастролі рок-гурта Мумій Троль. Якая культурная праграма чакае мінчан у выхадныя? Культурны агляд ад Ніны Мажэйкі.
Рэжысёр - Барыс Луцэнка, у ралях - Барыс Луцэнка. Нацыянальны акадэмічны драматычны тэатр імя М. Горкага з прэм'ерай.
Ён і яна. Спектакль на дзве асобы - дыялог мужчыны і жанчыны, якім крыху за... . Народныя артысты нібы пішуць аўтарскія калонкі на адну тэму.
Дарэчы, для Барыса Іванавіча гэта амаль што дэбют - у якасці акцёра на сцэну Рускага тэатра выйдзе ўпершыню. У суботу на Малой сцэне - не звяртайце ўвагу на габарыты - адбудзецца дзеянне, годнае тэатралаў і паклоннікаў.
Яшчэ адзін мастацкі дыялог у звычайным трамваі. Да 4 лістапада ў трамваі нумар 1 у вагоне 118 выстава бацькі і сына - фатографаў Сяргея і Дзмітрыя Брушко - Мы. Галерэю на колах змогуць убачыць пасажыры маршрута Зялёны Луг - Мяснікова. Цана за ўваход - прабіты талон.
Беларусы як яны ёсць. Замест рэкламы паменшаныя копіі арыгіналаў - 22 фотакарткі ў праёмах паміж вокнамі. Цяпер праехаць свой прыпынак усё роўна, што прызнацца ў мастацкім гусце. Дарэчы, такі нечаканы для гараджан паблік-арт, аказваецца, практыка самая звычайная. Прычым да такой формы самапрэзентацыі дайшлі яшчэ ў 80-х.
Караванамі і параходамі... Мумій Троль дасць канцэрт у Мінску. Расійскі гурт завяршае свой тур па Беларусі. А ў нядзелю дасць канцэрт у сталіцы. Калектыў толькі з Кітая - на ўсходзе паказалі свой новы альбом. Кліп на загаловачную песню Пірацкія копіі здымалі ў Лос-Анджэлесе. Канцэрт у Мінску будзе мінімалістычны. Толькі жывы гук і позіркавы кантакт - на гэта робяць стаўку музыканты. Для беларускіх паклоннікаў выканаюць хіты, але ў сучаснай апрацоўцы.
Манументальны балет Лаўрэнсія ставіць прыма грузінскага тэатра Ніна Ананіяшвілі. У пастаноўцы задзейнічана ўся трупа - гэта 74 артысты. Адразу 4 саставы на адной сцэне.
Больш за 100 метраў тканіны з розных канцоў свету вышытай і размаляванай уручную. Калі пастаноўшчыка запрасілі з Грузіі, то дызайнера касцюмаў - з Расіі. Модны прысуд вынес гісторык моды, папулярны тэлевядучы Аляксандр Васільеў. Аксаміт, паркаль, вельвет і карункі - арыгінальны вобраз іспанскага рэтра.
Іспанскія страсці па класічных канонах ад Ніны Ананіяшвілі ў суботу. Дарэчы, на прэм'еру запрошаны ўвесь бамонд.
Жах і страх ў Мінску. Сталічныя клубы працягваюць традыцыі неадназначнага для Усходняй Еўропы свята Хэлаўін. Адразу некалькі поп і рок-грутоў едуць у Мінск, каб выступіць у беларускіх клубных залах. Сумесь тэматычнай вечарыны і музычнага перформанса забяспечана.
А яшчэ касцюмаванае шоу. На вуліцах горада адразу можна сустрэць і Бабу-Ягу, і Кашчэя, а таксама герояў фантастычных фільмаў.
Такім будзе ўікэнд. Паглядзіце на яго ў культурным ракурсе. Не адмаўляйце сабе ў задавальненні.
