Шакаладны экспанат - у Гістарычным музеі! Таямнічы працэс стварэння і нараджэння скульптуры, а Музей кіно запрашае на фільмы Стэнлі Кубрыка. Плануем культурныя выхадныя з Ларысай Гулякевіч. Рубрыка "Праменад".
Хто не любіць шакалад?! Гістарычны музей запрашае не толькі наведаць выставу "Мастацтва шакаладу", але і пакаштаваць яго, і нават паспрабаваць самім зрабіць шакаладныя скульптуры. Словам, у прамым сэнсе акунуцца ў шакаладны свет.
Белы раяль, ядвабная сукенка, пінгвіны, панды і зялёная капуста – усё зроблена з сапраўднага шакаладу. Арганізатары паказваюць шакалад не толькі як смачны прадукт, але і як матэрыял для скульптур, на якія яго было выкарыстана некалькі сотняў кілаграмаў. Усе экспанаты былі зроблены спецыяльна для беларускай экспазіцыі. Тэхнічны шакалад, як і звычайны, мае тэрмін захоўвання, што робіць выставу штучнай і яшчэ больш унікальнай. Майстар-класы дапамогуць наведвальнікам больш глыбока акунуцца ў чароўны свет шакаладу.
Як нараджаецца скульптура. Ад першых замалёвак і каркасаў да фінальнага вобраза. Унікальную выставу пад назвай "25 кадр" дапаўняюць фотаработы. Зазірнем у галерэю "Арт-Беларусь".
Два майстры - фатограф Максім Пятруль і фотамастак Дзяніс Бурмакін - паказваюць на выставе ў галерэі "Арт-Беларусь" таямнічы працэс стварэння і нараджэння скульптуры. На кожным з 25 фотаздымкаў паказана раскадроўка, якая раскрывае гісторыю стварэння твораў як сучасных, так і традыцыйных.
Музычныя выхадныя ў Мінску. Ад рэпера Басты да рамантычнага Стаса П'ехі. Канцэрты - на любы густ меламанаў.
Рэпер Васіль Вакуленка, які так палюбіў наш МІнск з адпаведнай атмасферай, дае вялікі сольны канцэрт 27 кастрычніка на "Мінск-Арэне".
А вось лірычны і рамантычны Стас П'еха прывязе ў Мінск сваю юбілейную праграму – 15 гадоў на эстраднай сцэне. Канцэрт у сталічным Палацы Рэспублікі 28 кастрычніка.
Музей кіно запрашае на тыднёвы паказ фільмаў Стэнлі Кубрыка да 90-годдзя сусветнага кінарэжысёра. Прыемнага прагляду і нясумных выхадных.
