Праз прызму часу з любоўю да паэзіі і музыкі. "Ракуцёўскае лета" сабрала аматараў беларускага слова ў Маладзечанскім раёне. Традыцыйны фестываль прайшоў у вёсцы Ракуцёўшчына. Песні і вершы, майстар-класы і творчыя сустрэчы, выступленні і кірмашы. Больш падрабязна раскажа Ганна Загародняя.
Задоўга да таго, як пошук свайго месца сілы стала мэйнстрымам. Максім Багдановіч вызначыўся, што такое месца для яго размешчана менавіта тут! У вёсцы Ракуцёўшчына Маладзечанскага раёна.
Дарэчы менавіта ў гэтым фальварку ў 1911 годзе 19-гадовы будучы класік беларускай літаратуры Максім Багдановіч правёў лета.
У гэтых сценах з-пад яго пяра выйшлі два цыклы вершаў, якія ўвайшлі ў зборнікі "Старая Беларусь" і "Месцы". І ўжо некалькі дзесяцігоддзяў гэты фальварак становіцца месцам прыцягнення для прыхільнікаў творчасці беларускага класіка.
Мерапрыемства праходзіць з беларускім размахам і гасціннасцю. Праграма штогод мяняецца. І калі летась можна было атрымаць асалоду ад батлейкі, сёлета наведвальнікам прапанавалі прайсці квэст.
Прыемны бонус тым, хто прайшоў квэст, падарункі ад музея. Дарэчы, памятныя сувеніры можна было зрабіць і сваімі рукамі падчас майстар-класаў.
А акрамя гэтага настольныя гульні, інтэрактыўныя лакацыі, аўтограф-сесіі з сучаснымі пісьменнікамі і кірмаш, на якім наведвальнікі змаглі набыць прадметы дэкаратыўна-прыкладнога мастацтва і народных промыслаў.
