Фільм пра першую сусветную. У цэнтры - гісторыя жаночага батальёна пад камандаваннем Марыі Бачкаровай, які быў адпраўлены на германскі фронт у 1917 годзе.
Генеральны прадзюсар фільма Ігар Угольнікаў упэўнены, што фільм паспеюць завяршыць да 1 жніўня - Дня памяці абаронцаў Бацькаўшчыны падчас першай сусветнай. Не выключана, што гэты фільм можа стаць першай часткай вялікага міжнароднага праекта, у якім прымуць удзел Беларусь, Германія, Францыя, Англія і Сербія.
На тыдні ў Пецярбургу здымалі адну з самых масавых сцэн. За працэсам назіраў Максім Кароткін.
Цэнтр Пецярбурга, набярэжная Фантанкі. Салдацкі строй на пляцы. 100 гадоў назад усё было дакладна гэтак жа. У кадры на тым жа месцы рыхтуецца прыняць прысягу жаночы батальён пад камандаваннем Марыі Бачкаровай. Тут мала што змянілася. І аўтары фільма здымаюць карціну ў поўнай адпаведнасці з гістарычнымі фактамі.
Перадгісторыя батальёна такая: у 1917 годзе на хвалі эмацыянальнага ўздыму пасля Лютаўскай рэвалюцыі Керанскі вырашае стварыць жаночую воінскую часць - першую з некалькіх. Камандзір - Марыя Бачкарова, адна з першых рускіх жанчын-афіцэраў. У фільме Керанскага іграе Марат Башараў, Бачкарову, пра якую ў 17-м пісалі, што яна б'е морды, як царскі вахмайстар, - Марыя Аронава. Артыстка з такім жа сталёвым характарам і камандным голасам.
Са жніўня мінулага года ўвесь батальён - каля дзвюхсот актрыс і ўдзельніц масоўкі - ходзіць стрыжаны пад нуль. У тым ліку і дэпутат Дзярждумы Марыя Кажэўнікава. Што, зрэшты, дзяўчат зусім не хвалюе.
У брэсцкай актрысы Яніны Малінчык - адна з галоўных роляў. Яна з тых нямногіх, хто не карыстаецца дапамогай каскадзёра. І ўжо ў жніўні, пасля выхаду фільма, ёй прадракаюць сур'ёзны поспех. Сама ж карціна абяцае быць цяжкай для ўспрымання. Тэма жанчыны на вайне ўжо няпростая, а жанчына ў баі - гэта складаней удвая. Батальныя сцэны ўжо адздымалі, зараз здымаюць частку, у якой дзеянне адбываецца да адпраўкі батальёна на фронт.
Пакуль Батальён смерці - гэты асобны кінематаграфічны твор. Але стваральнікі не выключаюць і працяг. Фільм абяцаюць паказаць публіцы 1 жніўня - у Дзень памяці абаронцаў Бацькаўшчыны падчас Першай сусветнай. Пра месца першага паказу будуць паведамляць дадаткова.
