Падрабязнасці - у Іны Пілевіч.
У Нацыянальным мастацкім музеі правяраюць захаванасць маштабных прац
Нацыянальны мастацкі музей узяўся за раскрутку рускага мастацтва савецкай эпохі. І размова не аб прасоўванні і рэкламе твораў, а ў прамым сэнсе раскачванні арт-рулона.Гэтыя палотны ніколі не бачыў сучасны глядач. Ды і для многіх экспертаў сёння - прэм'ера твораў рускіх класікаў Герасімава, Самахвалава, Салаўёва, Мальцава. Апошні раз карціны прэзентавалі на пасляваеннай выставе індустрыі і сацыялізму ў сярэдзіне мінулага стагоддзя. У вестыбюлі Нацыянальнага мастацкага музея - упершыню. Так праходзіць планавы агляд стану буйных твораў, якія захоўваюцца на валах.
Палотны датаваныя 30-50-мі гадамі мінулага стагоддзя. Згорнутыя, без падрамнікаў, яны трапілі ў Мінск адразу пасля Вялікай Айчыннай вайны, калі практычна зноўку фарміравалася разрабаваная калекцыя. Маштабным працам было складана знайсці месца на сціплых плошчах музея. Свайго выхаду ў святло яны ўжо якое дзесяцігоддзе чакаюць у фондах. У мэтах прафілактыкі спецыялісты аглядаюць іх раз за некалькі гадоў.
Цімафей Палунін, рэстаўратар Нацыянальнага мастацкага музея Беларусі:
"Рэстаўратар у гэты момант аналізуе, ці могуць яны так далей захоўвацца. Ці неабходныя нейкія тэрміновыя рэстаўрацыйныя ўмяшанні. Альбо аглядаць захаванасць".
Усе працы для архіва музея фіксуе фатограф
Асвяжыць уражанні ад прац і запомніць убачанае дапамагае фатограф. Усе працы фіксуюць для архіва музея.Усяго ў фондах Нацыянальнага мастацкага музея парадку 7 падобных валаў.
Сёння прайшоў агляд савецкага рускага мастацтва, на чарзе беларускі сацыялістычны рэалізм.Перш, чым трапіць у экспазіцыю, палотнам трэба прайсці рэстаўрацыю. Гэта стане магчымым толькі пасля здачы будынка музейнага квартала на Кірава. Там ужо абсталююць майстэрні, дзе спецыялісты змогуць заняцца аднаўленнем маштабных прац.