Сёння наша Надзея Місякова ўпершыню апрабуе сцэну дзіцячага Еўрабачання. Беларуская ўдзельніца дванаццатага песеннага шоу выканае кампазіцыю Сокал на канцэртнай пляцоўцы, праўда, не ў сцэнічным касцюме. Пасля творчая частка дэлегацыі ўнясе карэктывы ў нумар - гук, святло і графіку.
Сёлета домам для дзіцячага Еўрабачання стала не канцэртная зала або арэна. Пляцоўку абсталявалі ў ангарах суднабудаўнічага завода ў горадзе Марса, што размешчаны недалёка ад сталіцы Мальты.
А напярэдадні 14-гадовая артыстка наведала інтэрнацыянальную школу Мальты, дзе выканала сваю песню Сокал. Таксама Надзея Місякова запісала з астатнімі ўдзельнікамі конкурсу песню - гімн сёлетняга шоу.
Трансляцыю дзіцячага Еўрабачання ў прамым эфіры будуць весці тэлеканалы Беларусь 1 і Беларусь 24. Пачатак у суботу ў 21:00. Сачыць за падзеямі еўратыдня можна ў нашым эфіры і на сайце tvr.by. А тое, што засталося за кадрам, - у анлайн-дзённіку Шлях на Мальту.
