Галоўная музычная навіна дня. На галоўным песенным шоу Еўропы самыя сур'ёзныя змяненні за апошнія сорак гадоў. Яны датычацца галасавання і дададуць больш інтрыгі ў конкурсе "Еўрабачанне". Калі раней падчас фіналу галасы журы і тэлегледачоў суміраваліся ў прапорцыі 50 на 50 і аб'яўляўся камбінаваны вынік, то зараз будзе даступнае індывідуальнае галасаванне па сістэме ад 1 да 8, 10 і 12 балаў.
Пасля таго як тэлегледачы аддадуць свае галасы, нацыянальныя вяшчальнікі ўсіх 43-х краін аб'явяць вынікі галасавання журы. Затым будуць падлічаныя вынікі тэлегаласавання за кожную краіну. Яны будуць аб'яўленыя вядучымі, пачынаючы з краіны, якая атрымала найменшую колькасць балаў і заканчваючы краінай-пераможніцай, што забяспечыць гарантаваную кульмінацыю напрыканцы шоу. Адразу пасля шоу падрабязную інфармацыю наконт галасавання кожнай краіны можна будзе знайсці на афіцыйным сайце Eurovision.tv.
Нагадаем, фінал Еўрабачання пройдзе 14 мая ў Стакгольме. Нашу краіну на конкурсе прадставіць спявак IVAN. Трансляцыю ўсіх шоу будуць весці тэлеканалы "Беларусь 1" і "Беларусь 24".
