Віцебск сустракае гасцей! Ужо гэтым вечарам - цырымонія ўрачыстага адкрыцця юбілейнага ХХХ Міжнароднага фестывалю мастацтваў "Славянскі базар у Віцебску".
Раніцай у фестывальную сталіцу прыбылі ўдзельнікі цырымоніі. Гэты цягнік даўно называюць зорным. Маршрут хуткі і зручны. Артысты ў выдатным настроі. Па традыцыі сустрэча VIP- гасцей не абышлася без журналістаў і прыхільнікаў. Гэта выдатная магчымасць узяць аўтограф і зрабіць памятнае сэлфі.
Гэтымі хвілінамі ў Летнім амфітэатры Віцебска праходзіць рэпетыцыя ўрачыстага адкрыцця юбілейнага "Славянскага базару". Апошнія падрыхтоўкі і на Алеі зорак - сёння тут з'явіцца імянная зорка Мікалая Баскава.