Магілёўская дзяржаўная гімназія-каледж мастацтваў адзначае 100-гадовы юбілей

26 Кастрычніка 2019
Штогод становяцца лаўрэатамі міжнародных конкурсаў. Ім апладзіравалі ў Францыі, Германіі і Італіі. А выпускнікі працуюць у многіх аркестрах свету. Магілёўская дзяржаўная гімназія-каледж мастацтваў адзначае 100-гадовы юбілей. Павіншаваць альма-матар са святам завіталі дзеячы мастацтваў і артысты, а таксама калегі з міжнародных фондаў Расіі і Японіі. 

Андрэй Ястрабаў далучыўся да віншаванняў і даведаўся, як раскрываюць новыя таленты. 

Віртуозныя пасажы энергічных іспанскіх матываў выхаванец гімназіі-каледжа, стыпендыят спецыяльнага фонду Прэзідэнта па падтрымцы таленавітай моладзі  Цімафей Сакардзін выконвае з лёгкасцю прафесіянала.  

І што ні конкурс - прызавое месца. Сакрэт? Тэхнічна  гэта ўменне іграць. Аднак настаўнікі ўпэўнены: віртуознасці не дасягнуць без іншага, больш значнага. 

Дар’я Брухнова - яшчэ адна зорка-пачатковец, лаўрэат шматлікіх нацыянальных і міжнародных конкурсаў. Дадае сваю ноту да сакрэту - трэба часцей звяртацца да вытокаў. І адпраўляецца нібыта ў партал часу - за клавесін. 

А яшчэ  харэографы, дырыжоры. У гімназіі,  нібыта ў казачнай акадэміі,  талент становіцца чароўнай сілай, здольнай з простай дзяўчынкі, напрыклад,  Лізаветы Пеганавай, зрабіць узыходзячую зорку опернай сцэны. 

Без падарункаў з нагоды юбілею каледжа не абышлося. Тры новыя піяніна “Беларусь” і  новы музей, дзе сабраны сапраўдныя рарытэты -  ад паштовак знакамітых выпускнікоў, рарытэтных вінілаў мінулага стагоддзя да першых афіш і ўзнагарод. Асаблівы гонар каледжа. 

Павіншаваць любімую альма-матар з юбілеем у Палац культуры вобласці завіталі яе знакамітыя выпускнікі. Сярод іх і маладое пакаленне выкладчыкаў, і артысты, чыё імя вядома на ўвесь свет. Напрыклад,  салістка Вялікага тэатра Расіі  Дар’я Шкрэдава, якая не пакідае сувязяў з малой радзімай. 

Дыпломы, граматы, віншаванні і асабістыя словы падзякі ў гонар юбілею  ветэранам мастацтва. Тым, хто і сёння адкрывае новыя таленты, якімі ганарыцца ўся краіна.