Міжнародны фестываль "Анімаёўка" сабраў сёлета прадстаўнікоў з 43-х краін свету, у тым ліку з Мексікі, Ізраіля, Аўстраліі і Грэцыі. Маленькія гледачы ўбачаць больш за 200 работ. Каля паловы возьмуць удзел у конкурснай праграме. Пераможцы атрымаюць прызы ў выглядзе вялікіх хрустальных алоўкаў. Гран-пры ўручаць у некалькіх намінацыях: "Лепшы фільм", "Фільм для дзяцей", "Эксперыментальны" і "Дэбют". У праграме фестывалю пройдуць творчыя сустрэчы і майстар-класы вядучых мультыплікатараў свету.
"Анімаёўка" стане і пляцоўкай для прэзентацый замежных дзіцячых фестываляў з Польшчы, Балгарыі. Убачаць гледачы і прэзентацыю беларускага фестывалю «Лістападзік».
