29 краін працягваюць выстаўляць лепшыя выданні сезона на Міжнароднай кніжнай выставе-кірмашы. Традыцыйна адным з самых масавых экспанентаў выступае Расія, з якой нас злучае мноства агульных літаратурных каштоўнасцяў. У складзе дэлегацыі краіны-суседкі пісьменнікі, выдаўцы, журналісты, кнігараспаўсюджвальнікі. На шматлікіх стэндах прэзентуецца ад класічнай да даведачнай літаратуры.
За кім з расійскіх аўтараў ганяюцца ў Беларусі - у рэпартажы Іны Пілевіч. Прыйшлі ўзяць аўтограф не толькі ў любімай актрысы, але зараз яшчэ і пісьменніцы. Народная артыстка Расіі Валянціна Талызіна прыехала ў Мінск прэзентаваць свае адкрыцці на паперы. Голас Надзеі з легендарнай карціны "Іронія лёсу, або З лёгкім парам!", зорка кінастужак "Афоня", "Старыя-разбойнікі", "Вялікая перамена" вырашылася распавесці пра невядомы бок прафесіі. У яе мемуарах - ад паступлення ў тэатральны да складаных адносін з калегамі.
Валянціна Талызіна - адна з дзясятка расійскіх гасцей Мінскай міжнароднай кніжнай выставы-кірмашу. Краіна-суседка традыцыйна арганізуе сустрэчы чытачоў з топавымі аўтарамі. У гэтым сезоне з асаблівым нецярпеннем у выставачным цэнтры чакалі Алену Тулушаву. Бо менавіта беларускія выдаўцы першымі разгледзелі ў вядомага псіхолага задаткі пісьменніка. Яе творы ў жанры нон-фікшн публікавалі нашы "Немига", "Нёман", "Березка" яшчэ да таго, як пра маладога аўтара загаварылі ў літаратурных колах Расіі.
У якасці зорак расійскай літаратуры заяўленыя і беларускія аўтары. Сёння ля стэнда краіны-суседкі аўтограф-сесія нашага літаратурнага дуэта Андрэя Жвалеўскага і Яўгеніі Пастэрнак.
Пісьменнікі Расіі і Беларусі - дзецям. Кніга "Звонкія фарбы слова" - адна з навінак кірмашу, створаная ў тандэме дзвюх краін. Тэкст належыць класікам і сучасным аўтарам. Ілюстрацыі зробленыя дзецьмі - навучэнцамі мастацкіх школ Масквы і Мінска. Гэтыя кнігі патрапяць у партфелі вучняў дзвюх краін. Як выхаванне агульных літаратурных каштоўнасцяў з ранніх гадоў.
Больш за тры тоны друкаваных выданняў - а гэта звыш 2 500 кніг - прыбыло на выставу з Расіі. Пасля завяршэння кніжкага кірмашу ўсе экспанаты будуць перададзеныя ў дар Міністэрству інфармацыі, пасольству Расіі і ў фонды Нацыянальнай бібліятэкі.
