Знакамітыя акцёры, абраныя кінастужкі і аншлаг у білетных касах! Галоўная кінападзея года Беларусі - юбілейны міжнародны фестываль Лістапад - літаральна гадзіну назад стартаваў у Мінску.
У гэтыя хвіліны мая калега Іна Пілевіч знаходзіцца ля Палаца Рэспублікі, дзе зараз праходзіць цырымонія адкрыцця (прамое ўключэнне).
Лістапад традыцыйна адкрыла шэсце кінабамонда па чырвонай дывановай дарожцы пад прыцэлам дзясяткаў тэлекамер і ў святле ўспышак фотаапаратаў. Упершыню ў гісторыі кінафестывалю зорнае дэфіле прайшло не на Кастрычніцкай плошчы, а ў холе Палаца Рэспублікі.
Дарэчы, сёлета беларускія актрысы, якія сваёй медыйнасцю даўно канкурыруюць з замежнымі, на цырымоніі адкрыцця паказалі сапраўды высокую моду. Яны паўсталі ва ўборах ручной работы ад-куцюр. Спецыяльна для Лістапада іх сшыў мадэльер з Кан Дэні Дзюран.
Па чырвонай дывановай дарожцы прайшліся парадку 150 прафесіяналаў у розных сферах кінематографа. Сярод іх Галіна Данэлія, Юозас Будрайціс, П'ер Леон. І зараз я папрашу рэжысёраў паказаць інтэрв'ю гасцей.
Безумоўна, шмат акцёраў, рэжысёраў, крытыкаў прыбылі з постсавецкіх краін. Але як ніколі вялікі зорны дэсант прыляцеў з Еўропы і Амерыкі. На Лістападзе дэбютуюць такія краіны як Нарвегія, Партугалія і Сінгапур.
У гэтыя хвіліны ў вялікай зале Палаца Рэспублікі, можна сказаць, другая частка цырыманіялу. Дарэчы, чакаюцца і першыя ўзнагароджанні спецыяльнымі прызамі. Па кінематаграфічнай традыцыі на сцэне разаб'юць талерку аб штатыў камеры. Але спачатку будуць анансавацца фільмы ўсіх конкурсаў.
Слоган юбілейнага Лістапада - ісціна ў кіно. Арганізатары падабралі сапраўдныя кінахіты, дарэчы, шматлікія з іх ужо ўключыла ў свой лонг-ліст прэмія Оскар. Гэты сезон Лістапада стаў сапраўдным прарывам для беларускіх і кітайскіх карцін. Майстры з гэтых краін упершыню ў гісторыі фестывалю прадстаўленыя ва ўсіх конкурсах. Таксама, упершыню на Лістапад прывезлі 3Д фільм. У поўным аб'ёме можна будзе ацаніць дакументальную карціну пра аўстралійскіх сёрфераў.
Наогул за 20 гадоў Лістапад вырас ад фестывалю масавага да элітарнага кіно. І як ніхто знаёмы з летапісам мінскага фестывалю пастаянны яго госць рэжысёр, акцёр, народны артыст Расіі Мікалай Бурляеў.
Дарэчы, высокі ўзровень фестывалю пацвярджаюць і замежныя кінематаграфісты. Сёлета Лістапад атрымаў пастаянную акрэдытацыю Міжнароднай асацыяцыі федэрацый кінапрадзюсараў. Яе атрымалі таксама Берлінскі, Венецыянскі і Канскі. Галоўнае патрабаванне міжнародных экспертаў да фестываляў - высокая якасць іх арганізацыі. Нагадаю, раней Лістапад меў толькі часовую акрэдытацыю і ў 2013 годзе яго статус зменіцца.
Першы кінапаказ пачнецца літаральна праз паўгадзіны. Тут, у Палацы Рэспублікі, і адначасова ў кінатэатры Цэнтральны адкрые Лістапад біяграфічная драма Параджанаў.
