У дрэве ён увасабляе фантастычныя і казачныя сюжэты, арыгінальныя прадметы інтэр'ера. Майстар Анатолій Новікаў стварае з рэдкіх парод дрэва сапраўдныя творы мастацтва. За жывым матэрыялам рамеснік адпраўляецца ў дальнія экспедыцыі - ангарскую сасну, лістоўніцу і капы - фактурныя драўляныя нарасты - прывозіць з Сібіры. У сваіх працах майстар, як правіла, не надае матэрыялу новыя формы, а падкрэслівае прыродныя контуры.
Свае працы - гадзіннікі, люстэркі, сувеніры - майстар прэзентуе на кірмашах і выставах па ўсёй краіне.
