Яны захоўваюць культурны код нацыі і прывіваюць людзям любоў да прыгожага, несучы мастацтва ў масы. Сёння ў Беларусі - Дзень работнікаў культуры. З прафесійным святам прадстаўнікоў гэтай сферы - акцёраў і рэжысёраў, вакалістаў і музыкантаў, мастакоў і літаратараў, а таксама тых, хто дапамагае ім у стварэнні і афармленні твораў мастацтва - павіншаваў кіраўнік дзяржавы Аляксандр Лукашэнка. У нашай сферы культуры багатае мінулае, якое фарміравалася не адно стагоддзе, а яго спадчына - нацыянальны набытак, вядомы далёка за межамі дзяржавы.
Дарэчы, менавіта сёння завяршаецца тэрмін грамадскага абмеркавання праекта закона "Аб змяненні законаў па пытаннях культуры". Ён размешчаны на сайце Міністэрства культуры, а таксама партале "Прававы форум Беларусі". Свае заўвагі і прапановы можаце ўнесці і вы.
