Асновы архітэктурнага дызайну з Нью-Ёрка проста ў Мінск. Больш за 50 работ у галіне канцэптуальнага дызайну, інтэр'ера і экстэр'ера, а таксама мастацкія акварэлі амерыканскага архітэктара Ількера Каджахана выстаўленыя ў мастацкай галерэі Леаніда Шчамялёва. У прафесійным партфоліа Каджахана - дызайн інтэр'ера метро Стамбула, фасадныя праекты і інтэр'еры жылых дамоў у Вашынгтоне, дызайн небаскробаў у Нью-Ёрку.
Ількер Каджахан, архітэктар, канцэптуальны дызайнер (ЗША):
На гэтай выставе прадстаўлены мае праекты ў Нью-Ёрку і Вашынгтоне. Я не толькі архітэктар - я канцэптуальны дызайнер, гэта іншае. Усе гэтыя праекты, чарцяжы намаляваны мной ад рукі, без дапамогі камп'ютара. Цяпер тэндэнцыя адукацыйнага навучання архітэктараў ідзе толькі з дапамогай камп'ютарных праграм, і гэта не зусім правільна. Мне б хацелася на сваіх майстар-класах даць магчымасць цалкам раскрыць свае таленты маладым беларускім архітэктарам.
Ількер Каджахан нарадзіўся і вырас у Турцыі. Тры гады таму мастак прыехаў у Беларусь дзяліцца сваімі сакрэтамі майстэрства. На гэтым тыдні ў галерэі пройдуць майстар-класы па скетчынгу. Гэта хуткі малюнак ад рукі. Заняткі будуць цікавыя як студэнтам, так і практыкуючым дызайнерам і архітэктарам Беларусі.
