Праз свае карціны яна размаўляе з прыродай. Больш за 40 работ батыку і жывапісу прадэманстраваны на персанальнай выставе Таццяны Фаміной у мастацкай галерэі Шчамялёва. Лясы і палі Беларусі, перламутравае мора і пяскі Прыбалтыкі, горныя вяршыні і бурныя рэкі Паміра. Дзіцячыя ўражанні ад сямейных вандровак па неабсяжных рэгіёнах СССР мастачка адлюстравала ў сваіх работах. Тонкія, амаль акварэльныя творы выкананыя ў тэхніцы "батык". Яе вобразы быццам вытканыя з паветра і колеру, дораць эфект празрыстасці і лёгкасці.
Усе работы зроблены Таццянай Фаміной за апошнія 10 гадоў. Акунуцца “У плынь часу” можна ў галерэі Шчамялёва да 13 сакавіка.
