Напярэдадні ў прыхільнікаў конкурсу з'явілася магчымасць забраніраваць месца як на само шоу, так і на яго генеральны прагон.
Усяго ў продаж паступіла 22 тысячы білетаў. Іх кошт вар'іруецца ад 6 да 12 рублёў. Білеты можна набыць у касах сталіцы, а таксама анлайн на сайтах BуСard і Белтэлерадыёкампаніі tvr.by у раздзеле "Дзіцячае "Еўрабачанне". Дарэчы, частка месцаў у зале зарэзерваваная для выхаванцаў дзіцячых дамоў і адораных дзяцей.
Каардынатарам і арганізатарам усіх мерапрыемстваў конкурсу выступае Белтэлерадыёкампанія. Медыяхолдынг вядзе актыўную падрыхтоўку да шоу. Нагадаем, 16-е міжнароднае песеннае першынство адбудзецца ў "Мінск-Арэне" 25 лістапада. Тады ж і даведаемся імя трыумфатара дзіцячага музычнага конкурсу.
