Іх сапернікамі былі паўсотні прадстаўнікоў з 6 краін. Але, станцаваўшы на вышыні 15 метраў, яны сталі лепшымі. І прывезлі ў Беларусь золата 10-га Міжнароднага цыркавога фестывалю для дзяцей і юнацтва "Свет поўны цудаў - 2016". Тое, што выканалі ў Рызе нашы маладыя артысты Белдзяржцырка, не робіць ні адзін гімнаст у свеце. Аб феерычным выступленні - Таццяна Кароль.
Крок за крокам штодзень яны адточваюць кожны элемент. Адна трэніроўка - каля чатырох гадзін, але Вераніка Рыбчонак і Максім Вінаградаў пераконваюць - гэты час яны не прамяняюць ні на што іншае. Настойлівасць і вялізнае жаданне стаць артыстам цырка дапамаглі ў дзяцінстве зараз ужо сапраўдным гімнастам ажыццявіць сваю мару.
Адзін з такіх момантаў - перамога на адным з самых прэстыжных міжнародных цыркавых фестываляў. Але спачатку феерычнае выступленне - маладыя артысты луналі пад купалам цырка на вышыні 15 метраў у дуэце ўпершыню, выконваючы аўтарскія камбінацыі, якія не робіць ні адзін гімнаст у свеце.
Трукі на палотнах, якія выканалі гімнасты на конкурсе, выкарыстоўваюцца для працы на так званай паветранай трапецыі. Гэта і зрабіла нумар унікальным. А ацэньвала выступленне знакамітае журы з шасці краін свету. У выніку - золата адправілася ў Беларусь.
Затаіўшы дыханне, за нумарам нашага дуэта назіралі не толькі журы, але і сапернікі, якіх, дарэчы, было больш за 50.
Як правіла, адзін нумар адточваецца гадамі. А нашы гімнасты пад кіраўніцтвам галоўнага рэжысёра цырка падрыхтаваліся да конкурсу літаральна за два тыдні. Таму ў бліскучай кар'еры зараз ужо новых артыстаў Белдзяржцырка - ніхто не сумняваецца.