Трыумф беларускіх харавікоў на міжнароднай арэне! 32 салісты Рэспубліканскай гімназіі-каледжа пры Акадэміі музыкі прынялі ўдзел у фестывалі царкоўнай музыкі "Хайнуўка" ў Беластоку і заваявалі другое месца ў катэгорыі дзіцяча-моладзевыя хоры. 3 дні праслухоўвання, рэгламент выступлення не больш як 20 хвілін, у журы самыя знакамітыя прадстаўнікі музычнай эліты.
Хор гімназіі-каледжа - адзін з вядучых калектываў краіны і выхоўвае выключна мужчынскія галасы. Менавіта капэла юнакоў і хлопчыкаў прадстаўляе харавое мастацтва Беларусі за мяжой. Так, летась вакалісты гастраліравалі ў Кітаі.
