Творчасць сучасных аўтараў, якія адраджаюць старажытнае мастацтва маляванкі, у экспазіцыі Нацыянальнага цэнтра сучасных мастацтваў. Адна з залаў галерэі аддадзена выставе пад назвай "Зоры-зараніцы". У зборы работы трох беларускіх мастачак: мінчанкі Ірыны Князевай і прадстаўніц Віцебскага рэгіёна - Жанны Ільюшкінай і Ірыны Церашковай.
Экспазіцыя - прыклад сінтэзу старадаўніх традыцый і сучасных падыходаў да мастацтва роспісу дываноў. У сюжэтах твораў аўтары выкарысталі падкрэслена беларускія матывы: народныя казкі і міфы, родныя краявіды.