Вядомы грэчаскі міф - ў пераасэнсаванні маладога беларускага мастака-графіка. У Нацыянальнай бібліятэцы Беларусі адбываецца ўрачыстая прэзентацыя арт-кнігі "Ясон". Гэта твор сучаснага выяўленчага і кніжнага мастацтва, прысвечаны старажытнагрэчаскаму міфу пра падарожжа Ясона і арганаўтаў па залатое руно. Малады беларускі мастак-графік Фёдар Шурмялёў пераасэнсаваў вядомы міф у складанай тэхніцы афорта. У кнізе 8 вершаў грэчаскага паэта Крыстаса Гіанакаса і 8 афортаў Фёдара Шурмялёва. Для пераплёту выкарыстоўвалася шаўковая нітка, для форзаца - мармуровая французская папера ручной працы.
На выставе-прэзентацыі сама кніга, асобна 8 афортаў і самі матрыцы. Праца над гэтым праектам вялася больш за год. Кніга выдадзена тыражом 20 экзэмпляраў.