У іх руках жыцці людзей, кожны дзень яны здзяйсняюць подзвігі ў імя сваіх пацыентаў. Напярэдадні Дня медыцынскага работніка кінападарунак спецыялістам гэтай сферы. Прэм'ера фільма "Ліст чакання" 18 чэрвеня ва ўсіх кінатэатрах Беларусі. Рэжысёр айчыннай сацыяльнай меладрамы - народны артыст Беларусі Аляксандр Яфрэмаў. Сінопсіс у сюжэце Вольгі Мядзведзь.
Замест кінапавільёна аперацыйныя. Новы айчынны фільм "Ліст чакання" - гісторыя пра сучасных беларускіх урачоў.
Аляксандр Яфрэмаў, рэжысёр мастацкага фільма "Ліст чакання", народны артыст Беларусі:
Урач збіраецца з'ехаць з краіны. Чым гэта абернецца для яго, для яго сям'і, для калег, з якімі ён працуе? Вось з гэтага пачалося - мне захацелася зняць карціну пра рэальны беларускі час, пра рэальную беларускую сітуацыю - тое, што мы не рабілі даўным-даўно.
Дарэчы, гэта першая ўрачэбная кінасправа рэжысёра Аляксандра Яфрэмава, як і ў большасці творчага складу.
Вузкапрофільная тэрміналогія, бальнічны антураж і рэальныя маніпуляцыі нерэальных аперацый - сапраўднасць дзеянняў узгаднялі са штатам дзеючых урачоў.
Перадпрэм’ерныя паказы, вядома, не для касы, а для прадузятага гледача - медыкаў. Ад задумкі да рэальнага метра на экранах мультыплексаў прайшло менш чым год. За сцэнарый прыняліся ў жніўні 2022-га, а сустрэліся ўсёй групай на здымачнай пляцоўцы ўжо ў канцы кастрычніка.
Усяго за 20 рабочых змен (а гэта ў кінаіндустрыі вельмі імклівы тэмп) знялі ўсё.
У цітрах пераважна беларускя прозвішчы і некалькі расійскіх. У эпізодах убачым народных купалаўцаў Генадзя Аўсяннікава і Тамару Міронаву. Аднак галоўныя ролі за маладымі артыстамі. Больш за дзясятак акцёраў з Тэатра-студыі кінаакцёра, у многіх гэта кінадэбют.
105 хвілін мастацкага метра - падарунак медыцынскім работнікам краіны. Старт пракату праекта "Ліст чакання" прымеркавалі да прафесійнага свята лекараў. На вялікіх экранах прэм'ера будзе дэманстравацца да канца чэрвеня, а пасля стужку пашыраць да двухсерыйнай тэлеверсіі.
