Правам аддаць свой голас ужо скарысталася прыкладна трэць выбаршчыкаў. Аднак асноўны наплыў на ўчастках чакаюць як раз заўтра - нагадаем, адкрыюцца яны ў 8 раніцы і працаваць будуць да васьмі вечара. Некаторыя змогуць прагаласаваць і дома - такая паслуга даступна для людзей сталага ўзросту, а таксама тых, хто мае праблемы са здароўем.
Антаніна Станкевіч - прадоўжыць. Валерый Работа некалькі гадоў таму перасеў у інваліднае крэсла - наступствы цяжкай хваробы. Аднак актыўная грамадзянская пазіцыя мужчыны нікуды не знікла. У дзень выбараў, як і яго суседзі, знаёмыя і сваякі, таксама закіне бюлетэнь са сваім голасам у спецыяльную скрыню. Самастойна трапіць на участак не зможа, таму галасаваць будзе дома.
Спісы тых, хто прагаласуе дома, склалі загадзя. Па вопыце мінулых гадоў сацработнікі ведаюць: часцей за ўсё такой паслугай карыстаюцца інваліды-калясачнікі, людзі сталага ўзросту і інваліды па зроку.
Каб скарыстацца такой паслугай, дастаткова патэлефанаваць на свой участак і пакінуць адпаведную заяўку - у пазначаны час удзельнікі выбарчай камісіі прыедуць дадому са скрыняй і дапамогуць выканаць працэдуру галасавання ў адпаведнасці з законам.
Для тых, хто захоча прыйсці на выбары самастойна, створана безбар'ерная інфраструктура. Акрамя таго, на кожным участку цэнтральнага рэгіёна працуюць валанцёры - яны дапамогуць пажылым, сем'ям з маленькімі дзецьмі, а таксама людзям з захворваннямі.
Да таго ж, сёння працягваецца датэрміновае галасаванне. Гэты варыянт для тых, хто не зможа наведаць участак у асноўны дзень - заўтра. Апраўдальны дакумент не патрабуецца.
Заўтра выбарчыя ўчасткі адкрыюцца а восьмай гадзіне раніцы. Працаваць яны будуць на працягу дванаццаці гадзін. Усіх выбаршчыкаў чакае культурная праграма, а гандлёвыя прадпрыемствы па традыцыі прапануюць прысмакі і нехарчовыя тавары са значнымі скідкамі.
