На гэтым Аляксандр Лукашэнка акцэнтаваў увагу сёння падчас наведвання шматфункцыянальнага фізкультурна-аздараўленчага комплексу "Мандарын". Такое імпартазамяшчэнне дазволіць істотна скараціць выдаткі на спортаб'екты і, такім чынам, знізіць цэны на паслугі. Сёння ж Прэзідэнт запатрабаваў ад чыноўнікаў вырашыць праблему загружанасці спартыўных аб'ектаў у Мінску.
Аляксандр Лукашэнка, Прэзідэнт Рэспублікі Беларусь: "Людзі павінны добра разумець, што мы можам зрабіць усё, што яны захочуць, але за гэта трэба будзе заплаціць за паслугу. Бясплатна, за кошт бюджэту аб'ектаў дзяржаўных формаў уласнасці створана дастаткова. Нам яны не патрэбныя. Таму трэба разумець, што такія палацы каштуюць дорага, і, адпаведна, паслугі каштуюць пэўныя грошы. Мы, вядома, яшчэ прытрымліваемся савецкіх прынцыпаў, нормаў пры стварэнні цэнтраў. Рэспубліканскага, мясцовага ўзроўню, дзе мы рыхтуем прафесійных спартсменаў, дзе на сур'ёзным узроўні іх трэба рыхтаваць, яны, напэўна, павінны быць такія палацы. У нас іх хапае. Больш такой дарагоўлі быць не павінна. Нам патрэбны звычайныя, абсалютна танныя, калі гэта басейн - чаша. Не трэба спрашчацца. Але акрамя чашы там павінна быць усё на належным узроўні. Гэта павінна быць настолькі функцыянальна і проста, абсалютна танна. Вы мне павінны ў найбліжэйшы час падрыхтаваць праекты недарагіх басейнаў і спартыўных комплексаў. Калі хтосьці хоча ўкласці грошы, прыватнік, будзем толькі вітаць. Не, будзем рабіць самі, але на поўнай акупнасці. Усё павінна быць проста, танна, прыгожа і поўны контроль цэн. Яны не павінны цярпець страту. Але задзіраць цэны не трэба. І потым у нас у краіне прывыклі ўспрымаць гэтыя будынкі як нейкую забаўлялку, празмернасць. Гэта не забаўлялка. Гэта фабрыкі здароўя. Чым больш людзей будзе тут, тым менш у бальніцах і аптэках. І дзяржаве гэта будзе танней".
Новы ФАК будаваўся па даручэнні Кіраўніка дзяржавы за кошт бюджэтных сродкаў Мінска і з'яўляецца самым вялікім спортаб'ектам у Заводскім раёне. Яго плошча - 9 з паловай тысяч квадратных метраў. Да паслуг наведвальнікаў аквазона: 2 басейны, джакузі і комплекс лазняў: турэцкая, салявая і руская ў вясковым стылі. На другім паверсе размясцілася трэнажорная зала (па плошчы яна таксама адна з самых вялікіх у Мінску), залы аэробікі і ёгі. Падрабязнасці ў нашых наступных выпусках.
