Найважнейшае, напэўна, - як мага раней, з дзяцінства нават, выбраць сваю справу жыцця. Ці каб гэта справа выбрала цябе. Такі выбар зроблены або трэба будзе сотням тысяч беларусаў зрабіць, якія на тыдні ступілі ў дарослае жыццё. У школах празвінеў апошні званок. Свае парты сёлета пакінулі амаль 58 тысяч выпускнікоў. Гэты дзень - магчымасць сказаць "дзякуй" тым, хто 11 гадоў вучыў самастойнасці, даючы не толькі веды, але і першыя ўрокі жыцця. Радасны і сумны - апошні званок - гэта развітанне не проста са школай, але і з лепшым часам бестурботнага дзяцінства.
Але адпачываць выпускнікам пакуль рана. Пачаліся выніковыя іспыты. А хутка ўжо абітурыентаў чакае самы гарачы час - уступная кампанія. Пакуль жа дзяўчаты і юнакі рыхтуюцца да выпускнога балю. Сёлета ён пройдзе 9 і 10 чэрвеня.
