Усе 64 байцы спецатрада "ЗУБР" МНС Беларусі вярнуліся на месца пастаяннай дыслакацыі. За час знаходжання ў Турэцкай Рэспубліцы нашы спецыялісты выратавалі 6 жыццяў. А колькі беларусаў яшчэ ўдалося эвакуіраваць на радзіму! Гэта галоўны вынік, дзеля якога ратавальнікі пераадолелі па 4 тысячы кіламетраў туды і назад. Нагадаем, рашэнне адправіць беларускі выратавальны кантынгент у Турцыю прыняў кіраўнік дзяржавы ў першы дзень пасля наймацнейшых землетрасенняў у гэтай краіне.
На працягу ўсёй выратавальнай місіі разам з супрацоўнікамі МНС у зоне бедства працавала і здымачная група Белтэлерадыёкампаніі. За гэты час Юрый Шаўчук стаў сведкам дзіўных гісторый выратавання, назіраў горыч страт і нават адчуў на сабе падземныя штуршкі магнітудай 3,5. (Падрабязнасці ў відэа).
