"Галоўны эфір" ля галоўнай спартыўнай пляцоўкі кантынента! Менавіта "Мінск-Арэна" на гэтым тыдні прымала чэмпіянат Еўропы па фігурным катанні. І прымала так цёпла, што лёд раставаў не толькі ад палымяных выступленняў спартсменаў, але і ад таго цяпла, з якім гэтую маштабную падзею прымаў Мінск, ды і ўсе беларусы. Не сакрэт, што замежныя арганізатары такіх форумаў часта сутыкаюцца з тым, што запоўніць арэну нават куды меншага маштабу бывае вельмі складана, асабліва падчас ранішніх выступленняў. А беларусы чарговы раз паказалі, што такое непадробная цікавасць да спорту!
Вялізная цікавасць, вядома, і ў журналістаў. На спаборніцтвы акрэдытаваныя больш як 400 прадстаўнікоў СМІ! Замежныя каментатары і карэспандэнты ў сваіх рэпартажах рабілі акцэнт, у тым ліку, і на гэтай неверагоднай атмасферы. Вось ужо праўда, спартыўная дыпламатыя ў дзеянні. Бо чэмпіянат Еўропы - гэта не проста спаборніцтва, а прэзентацыя краіны. З экранаў тэлевізараў Мінск убачылі ў двух дзясятках краін Старога Свету, і нават у Бразіліі і Японіі. Мільёны гледачоў сачылі за тэлетрансляцыямі, а дзясяткі тысяч проста тут, на трыбунах.
Да трэцяга спаборніцкага дня ўжо было прададзена білетаў на чатыры аншлагі "Мінск-Арэны"!
Фігурное катанне - гэта абавязковая частка нашай не кароткай праграмы. А што будзе ў адвольнай частцы, раскажам зараз.
У гэтыя дні, здаецца, нават тыя, хто раней не цікавіўся фігурным катаннем, прытуліліся да экранаў тэлевізараў. Такога ажыятажу вакол канькоў, у прынцыпе, у Беларусі не было ўжо вельмі даўно. Дадатковы відовішчны стымул падштурхнуў цікавасць і да нашых традыцыйных каткоў. На гарадскіх лядовых пляцоўках кожны вечар - аншлаг.
Фігурное катанне ў Беларусі - від спорту, які развіваецца. Нягледзячы на тое, што ў дзіцячых спартыўных школах і клубах няма адбою ад юных талентаў, нашых атлетаў даўно ўжо не было на зімовых Алімпійскіх гульнях. Што ж, зараз і дзеці, і бацькі ведаюць, да чаго імкнуцца.
Кантынентальны форум адкрываў новы алімпійскі цыкл, таму тут, зусім недалёка, на "Мінск-Арэне", выступалі і будучыя зоркі, і прызнаныя чэмпіёны. Сапраўднае свята для гледачоў, якія штораз запаўнялі пад завязку самую буйную крытую лядовую арэну краіны.
Беларускую ветлівасць і падтрымку, вядома, ацанілі: у такой атмасферы фігурысты выступаюць хіба што на Алімпіядах. Не рэпартаж, а сапраўднае спартыўнае свята зараз у "Галоўным эфіры".
Фігурное катанне - гэта абавязковая частка нашай не кароткай праграмы. А што будзе ў адвольнай частцы, раскажам зараз.
У гэтыя дні, здаецца, нават тыя, хто раней не цікавіўся фігурным катаннем, прытуліліся да экранаў тэлевізараў. Такога ажыятажу вакол канькоў, у прынцыпе, у Беларусі не было ўжо вельмі даўно. Дадатковы відовішчны стымул падштурхнуў цікавасць і да нашых традыцыйных каткоў. На гарадскіх лядовых пляцоўках кожны вечар - аншлаг.
Фігурное катанне ў Беларусі - від спорту, які развіваецца. Нягледзячы на тое, што ў дзіцячых спартыўных школах і клубах няма адбою ад юных талентаў, нашых атлетаў даўно ўжо не было на зімовых Алімпійскіх гульнях. Што ж, зараз і дзеці, і бацькі ведаюць, да чаго імкнуцца.
Кантынентальны форум адкрываў новы алімпійскі цыкл, таму тут, зусім недалёка, на "Мінск-Арэне", выступалі і будучыя зоркі, і прызнаныя чэмпіёны. Сапраўднае свята для гледачоў, якія штораз запаўнялі пад завязку самую буйную крытую лядовую арэну краіны.
Беларускую ветлівасць і падтрымку, вядома, ацанілі: у такой атмасферы фігурысты выступаюць хіба што на Алімпіядах. Не рэпартаж, а сапраўднае спартыўнае свята зараз у "Галоўным эфіры".
