Міжнародны кінафестываль "Лістапад" завяршыўся

22-і кінамарафон, які дарыў на працягу некалькіх дзён сапраўдную "Асалоду для вачэй", падвёў вынікі чатырох галоўных конкурсаў, узнагародзіў пераможцаў і прадэманстраваў удзельнікам цырымоніі закрыцця маляўнічае шоу. Гран-пры фестывалю, сімвал "Лістапада" - "Залаты кляновы ліст" у форме паўмесяца - атрымаў лепшы фільм: сумесная стужка балгарскіх і грэчаскіх кінематаграфістаў "Урок". Серабро - у "Праекта стагоддзя", каманднай працы Кубы, Германіі, Аргенціны і Швейцарыі. Бронза - за ісландска-дацкімі аўтарамі і фільмам "Бараны". Па традыцыі на цырымоніі закрыцця кінафестывалю ўручаны Спецыяльны прыз Прэзідэнта Беларусі "За гуманізм і духоўнасць у кіно". Ён сёлета дастаўся кыргызскай стужцы "Нябеснае качэўе". Рэжысёр Мірлан Абдыкалыкаў распавёў гледачам пра сучасных качэўнікаў; людзей, якія захоўваюць законы продкаў. Акрамя традыцыйных прызоў, сёлета фестываль заснаваў і шэраг новых заахвочванняў. У агульнай скарбонцы "Лістапада" - больш за 45 узнагарод.