І з вось гэтага інтэрв'ю, і з адказу Прэзідэнта на пытанне нашага калегі зразумелыя дзве рэчы. Першае, гэта тэма актуальная.
Другое, у нас у грамадстве відавочна не хапае сур'ёзнай гутаркі, абмеркавання. Рэформы ў нас палітызуюцца. Калі тыя, хто крытыкуе дзеючую ўладу, не гавораць народу ўсёй праўды. Рэформы даюць эфект, але толькі ў перспектыве. А непасрэдны вынік іх - гэта і фактычна тое, што кожнаму, усім нам без выключэння прыйдзецца сур'ёзна напружвацца, цярпець нягоды.
З другога боку абсалютна відавочна, што ў 21 стагоддзі нішто не можа быць нерухомым, усё змяняецца і змяняецца вельмі хутка. Хочам мы гэтага або не. І той, хто гэтыя перамены прадбачыць, кіруе імі, узначальвае іх, той выйграе.
Правільна было сказана, рэформы - лекі. Пытанне ў тым, якім яны будуць. Пра гэта трэба думаць, гэта трэба абмяркоўваць. І мы разлічваем, што заклік Прэзідэнта да чыноўнікаў, да бізнесу - адкрыта выходзіць да СМІ - будзе пачуты.
Дарэчы, пытанням эканамічным на сустрэчы надалі больш за ўсё часу. Мы прааналізавалі ключавыя тэматычныя блокі. Такім чынам, эканоміка наперадзе з сур'ёзным адрывам - пра яе гаварылі больш за дзве гадзіны. На фоне падзей ва Украіне следам па папулярнасці пытанні знешняй палітыкі. Ім прысвяцілі больш за гадзіну. Прыкладна 45 хвілін прыпала на тэмы сацыяльнага кірунку, крыху менш абмяркоўвалі перспектывы ЕАЭС і Саюзнай дзяржавы, а таксама адказнасць кіраўнікоў і ратацыю кадраў. Нарэшце, аб асабістым Прэзідэнт гаварыў каля паўгадзіны.
Прысвечаны адкрытаму дыялогу хэштэг #agl29 на некаторы час нават выйшаў у так званыя глабальныя трэнды сеткі мікраблогаў Twitter. У рускамоўным сегменце папулярнай сацыяльнай сеткі ён заняў другое месца. У рэгіянальным рэйтынгу хэштэгі #Лукашэнка - на рускай і беларускай мовах, а таксама хэштэг #agl29 на працягу некалькіх дзён былі на першых пазіцыях па колькасці і частаце згадванняў. Хэштэг - гэта слова або фраза з сімвалам # у пачатку. Дзякуючы хэштэгам карыстальнікі сацыяльных сетак могуць адсочваць паведамленні, прысвечаныя нейкай пэўнай тэме.
