Тэхналогіям, якія ратуюць жыцці, дапамагаюць асвойваць космас і робяць наш свет больш простым, прысвечаны новы праект Агенцтва тэленавін. Дванаццаць гісторый і дванаццаць навуковых перамог! Суіскальнікі дзяржаўных прэмій - навукоўцы, інжынеры, медыкі і біёлагі - распавядуць, як нараджаюцца ідэі і ўвасабляюцца ў жыццё самыя адважныя распачынанні. Навуковы праект Агенцтва тэленавін "Справа жыцця" стартуе ўжо ў панядзелак.
Першая серыя прысвечаная людзям, якія штодня дапамагаюць тысячам пацыентаў. Дзякуючы новым распрацоўкам у сферы трансплантацыі органаў. Кожны год у нашай краіне выконваецца 500 падобных аперацый. А ў 2005 маглі перасадзіць толькі восем нырак.
За лічбамі стаіць шматгадовая навуковая праца хірургаў, анестэзіёлагаў і вялікага творчага калектыву. Многія з тэхналогій - беларускія: атрымана звыш двух дзясяткаў патэнтаў. Гэтая вялікая праца вылучаная на суісканне Дзяржаўнай прэміі 2016 года ў галіне навукі і тэхнікі. Прычым гаворка ідзе ўжо пра тэхналогіі лячэння на фінальнай стадыі захворвання. Пацыенты вяртаюцца да паўнавартаснага жыцця, працуюць і гадуюць дзяцей.
Першую серыю навуковага праекта "Справа жыцця" глядзіце ў панядзелак увечар пасля "Панарамы" на "Беларусь 1".
