Аб прамысловым супрацоўніцтве з нашым галоўным стратэгічным партнёрам у Азіяцкім рэгіёне - Кітаем - ішла размова ў пачатку тыдня ў Палацы Незалежнасці. Аляксандр Лукашэнка сустрэўся са старшынёй праўлення "Мідэа Груп" - карпарацыяй-гігантам па вытворчасці бытавой тэхнікі.
Фан Хунбо, кіраўнік карпарацыі "Мідэа Груп": "Мы вельмі задаволеныя, як развіваецца наша супрацоўніцтва з Беларуссю на працягу 10 гадоў. У прыватнасці, з кампаніяй "Гарызонт". Падтрымка праектаў на дзяржузроўні дала добры вынік і асновы для пашырэння нашага супрацоўніцтва. Гэта развіццё важнае з пункта гледжання працы ў рамках ініцыятывы "Адзін пояс - адзін шлях". Мы таксама бачым Беларусь у якасці вытворчай базы, якая ў наступным будзе асноўнай ў прасторы СНД".
Аляксандр Лукашэнка запэўніў: усе высокатэхналагічныя ініцыятывы карпарацыі будуць падтрыманыя дзяржавай, а ў дыялогу з гэткім сур'ёзным і надзейным фундатарам, як з Кітаем, у Беларусі няма закрытых тэм.
