Найбуйнейшы дзелавы форум харчовай прамысловасці - выстава Прадэкспа адкрыецца сёння ў Мінску. Больш як 200 вытворцаў прапануюць сваю прадукцыю простым наведвальнікам, аптовым пакупнікам і экспарцёрам. Такія выставы дазваляюць пастаўшчыкам заключыць кантракты на наступны год.
Што цікавага будзе на выставе, раскажа Наталля Кузьміцкая.
Найбуйнейшая ў Беларусі бізнес-пляцоўка - аптовая выстава Прадэкспа-2013 - ужо праз некалькі гадзін збярэ ў адным павільёне ўдзельнікаў рынку харчовых тавараў з Беларусі і замежных краін.
Выстава дазволіць экспанентам прадэманстраваць сваю прадукцыю як удзельнікам унутранага рынку, так і патэнцыяльным партнёрам з-за мяжы. Тэматыка форуму шырокая: хлебабулачныя і кандытарскія вырабы, мясныя прадукты, малочная прадукцыя, а таксама вытворчае і гандлёвае абсталяванне для харчовай прамысловасці.
Марына Якубава, кіраўнік праекта: Сёлета прымуць удзел 200 экспанентаў з 5 краін свету: Германіі, Італіі, Украіны, Расіі, і, вядома, Беларусі. Усе стэнды прадстаўлены шырока і прыгожа. Будуць дэманстравацца навінкі, г.зн. асноўная мэта - кантракты на 2014 год. Усе паказваюць толькі лепшае.
Акрамя гэтага, харчовы форум з'яўляецца выдатнай магчымасцю пагутарыць з канчатковымі спажыўцамі, прэзентаваць ім сваю прадукцыю, вывучыць попыт і водгукі. Для паляпшэння якасці прадуктаў харчавання, якія трапляюць на стол беларусаў, у рамках Прадэкспа будуць праводзіцца і дэгустацыйныя конкурсы, што ахоплівае шырокі асартымент харчовых тавараў.
Гэты харчовы форум, адна з лепшых і найболей перспектыўных пляцовак для эфектыўных дзелавых зносін, пошуку новых партнёраў, рынкаў збыту і павышэння канкурэнтаздольнасці айчынных вытворцаў.
