Асабліва актуальнай на фоне паслання Прэзідэнта стала сённяшняя сустрэча Уладзіміра Макея і Рыгора Рапоты. Міністр замежных спраў Беларусі і Дзяржсакратар Саюзнай дзяржавы абмеркавалі ўзаемадзеянне і стратэгічныя кірункі развіцця. Першачарговыя задачы пастаўленыя ў гандлёва-эканамічнай сферы. У гэты ж час кіраўнікі ведамстваў абмеркавалі сацыяльныя і міжнародныя пытанні, а таксама шэраг установак і задач на будучыню.
Рыгор Рапота, Дзяржсакратар Саюзнай дзяржавы: "Мне здалося вельмі цікавым тое, што гаворка ішла пра такія пытанні, як абарона правоў інвестараў, падаванне большай волі прадпрымальніцкай ініцыятыве, як прызнанне права кіраўнікоў прадпрыемстваў на рызыку вызначаную. Гэта таксама важна, таму што без такога права чалавек пазбаўляецца манеўру. Мне здалося цікавым выступленне, таму што яно дае некалькі новы вектар развіццю эканамічнай сітуацыі. Я думаю, гэта можа быць імпульсам для атрымання дывідэндаў у эканамічнай сферы".
Разам з гэтым Рыгор Рапота падкрэсліў важнасць рэгулярнасці сустрэч. Паводле яго слоў, быў прыняты план сумесных дзеянняў па развіцці гандлёва-эканамічнага супрацоўніцтва і адэкватным рэагаванні на новыя выклікі і пагрозы. Плануецца, што пасяджэнне саюзнага Саўміна адбудзецца не пазней за чэрвень.
