Беларусь павысіла пазіцыі ў глабальным рэйтынгу Doing Business. У нас 37-е месца са 190 краін свету. Лідары спісу - Новая Зеландыя і Сінгапур. Падняцца ўверх нашай краіне дазволілі спрыяльныя ўмовы па рэгістрацыі ўласнасці, далучэнне да сістэмы энергазабеспячэння міжнароднага гандлю і атрымання дазволаў на будаўніцтва. У Мінэканомікі адзначылі: ужо ў сярэднетэрміновай перспектыве чакаюць, што станоўча на пазіцыі Беларусі ў рэйтынгу паўплывае і прыняты ліберальны пакет дакументаў, у тым ліку сёмы дэкрэт Прэзідэнта.
Дзмітрый Матусевіч, намеснік міністра эканомікі Беларусі: "Дэкрэт увайшоў у сілу з 26 лютага, і не ўсе яго нормы, асабліва прамога дзеяння, былі ўлічаныя, гэта наш рэзерв на наступны год. Беларусь паднялася на адну пазіцыю ў рэйтынгу Doing Business, наша месца 37. Акрамя гэтага, мы прасунуліся і ў так званым перадавым рубяжы. Прасунуліся наперад на 0,72. Для нас гэта важна, не ўласна рэйтынг дзеля рэйтынгу, а для таго, каб ацэньваць сваю працу, і па гэтай працы нас ацэньваюць і інвестары. Як мы паляпшаем эканоміку, наколькі мы паляпшаем бізнес-клімат і дзелавое асяроддзе".
Дзмітрый Матусевіч падкрэсліў, што для паляпшэння пазіцый у рэйтынгу неабходна ўдасканальваць і сферу падаткаабкладання.
