Тыдзень таму ў краіне выбралі аператара сістэмы вяртання падатку на дабаўлены кошт. Кампанія ўжо пачала заключаць дамовы са сталічнымі магазінамі і банкамі. Але паводле якіх схем будзе ажыццяўляцца работа, пакуль дакладна невядома.
Калі мінчане і госці сталіцы змогуць без чэргаў і затрымак вярнуць падатак на дабаўлены кошт, ведае Наталля Кезік.
Хутка мінчане на дзвярах сталічных магазінаў убачаць шыльду Tax Free. Кампанія-аператар паспела заключыць дамовы са сталічнымі магазінамі і банкамі, а гэта значыць, што Tax Free пачне працаваць у сталіцы і ў Беларусі ўжо ў гэтым месяцы.
Кампанія ў першую чаргу будзе працаваць над Tax Free для беларускіх гасцей, каб яны маглі вярнуць падатак на дабаўлены кошт з беларускіх сувеніраў. Механізм, як і ва ўсёй Еўропе, будзе дзейнічаць наступным чынам: іншаземцам дастаткова будзе прад’явіць чэк пры выездзе з Беларусі, атрымаць суму падатку на дабаўлены кошт на месцы альбо праз нейкі час - на банкаўскую картку.
Руслан на чэках Tax Free за сваё жыццё зэканоміў не адну сотню валюты. Падчас кожнай паездкі за мяжу афармляе запаветную паперку, на граніцы пацвярджае - і вяртае ў сваю кішэню падатак на дабаўлены кошт.
Палова насельніцтва сталіцы карыстаецца такой паслугай. Але вярнуць грошы па чэках Tax Free сёння можна толькі ў адзіным банкаўскім аддзяленні ў Мінску. Чэргаў перад касамі тут няма, і калі ўсе дакументы ў парадку, то прыемны грашовы бонус тут можна атрымаць адразу і на месцы. Пашпарт і асабістая прысутнасць абавязковыя.
Чэкі Tax Free беларусы могуць здаць і на мытным пункце пропуску. Вабіць працэнт. Калі атрымліваць так званыя ваты ў Мінску, то кампанія-аператар і банк гэты працэнт маюць права панізіць.
