Тэмп росту эканомікі нашай краіны вышэй за сярэднесусветныя значэнні, а ўзровень інфляцыі зараз самы нізкі за ўсю гісторыю незалежнай Беларусі. Такую інфармацыю агучыў сёння Аляксандр Чарвякоў у Брэсце на сумесным пасяджэнні калегій Міністэрства эканомікі Беларусі і Міністэрства эканамічнага развіцця Расіі.
Ключавая тэма абмеркавання - рэалізацыя асноўных кірункаў Дагавора аб стварэнні Саюзнай дзяржавы на 2021-2023 гады і саюзных праграм, а таксама пытанні супрацоўніцтва ў 2024-2026-м.
Летась узаемны тавараабарот паміж краінамі дасягнуў гістарычнага максімуму і склаў 14 %. За 9 месяцаў гэтага года абарот павялічыўся яшчэ на 11 %.
За апошні год доля беларускіх тавараў у расійскім імпарце - абсталявання, машын, транспартных сродкаў, прадукцыі хімічнай прамысловасці, вырабаў з драўніны і чорных металаў - істотна ўзрасла. Паспяхова развіваецца гандаль з краінамі Азіі, асвойваюцца перспектыўныя рынкі Афрыкі, адзначаецца ажыўленне ўнутранага рынку, а таксама рост рэальных прыбыткаў насельніцтва і заработнай платы.
За 9 месяцаў гэтага года ў эканоміцы мы дасягнулі росту 103,5 %. У плане па годзе - павялічыць паказчыкі да 103,8 %.
У рамках сустрэчы міністр спорту Беларусі Сяргей Кавальчук і міністр эканамічнага развіцця Расіі Максім Рашэтнікаў падпісалі пагадненне аб супрацоўніцтве ў сферы турызму. Таксама краіны падпісалі мемарандум па пытаннях стварэння і развіцця свабодных эканамічных зон.
