Зараз актыўна ідзе ўборка кукурузы на зерне, а таксама на корм. Адначасова харчовыя фонды папаўняе і новы ўраджай бульбы. Яе ў цэнтральным рэгіёне сёлета збяруць амаль паўмільёна тон.
Як рыхтуюць вітамінны рацыён на зіму для сельгасжывёлы, і дзе кукуруза прыносіць высокую рэнтабельнасць. "Сакрэты фірмы" слуцкіх аграрыяў - у рэпартажы Аляксея Кандраценкі.
На высокіх хуткасцях, аператыўна, але якасна. Па такім прынцыпе на гэтым полі ўбіраюць кукурузу на сілас. Адна хвіліна - і сямітонны грузавік цалкам загружаны. Інтэнсіўнасці спрыяе і высокая ўраджайнасць "залатой" культуры.
Увесь аб'ём сіласу адразу ж закладваюць у траншэі. Такая салата дзякуючы правільным тэхналогіям захоўваецца доўга, а значыць, у жывёлы будзе свежы корм да наступнага сезона.
Тым часам на суседнім полі гаспадаркі “ВІТКА-АГРА” ў разгары ўборка кукурузы на зерне.
Зрэшты, тут яна яшчэ вышэйшая - сто цэнтнераў з гектара. Менавіта са збожжа зробяць такую патрэбную і высока каларыйную крыніцу энергіі - камбікорм.
