Экспарт беларускага харчавання па выніках 2022 года перавысіў 8 млрд 300 млн долараў. Пра гэта сёння заявілі ў Мінсельгасхарчы. Самыя папулярныя пазіцыі - мясная і малочная прадукцыя. У геаграфіі больш чым сотня дзяржаў, асноўны рынак - Расія (на яе прыпадае 2/3 ад усіх паставак). Паралельна ідзе актыўнае асваенне краін далёкай дугі. Вялікая ўвага надаецца Кітаю, а таксама ўсяму Афрыканскаму кантыненту. На гэты год туды запланаваны пробныя партыі новых відаў прадукцыі.
Як заявілі ў Мінсельгасхарчы, задача на гэты год - нарасціць экспарт не менш як на 5 %.
