Віцебск і Ліпецк падзяляюць 800 кіламетраў, але ў тым, што адлегласць сяброўству не перашкода, упэўнілася наш карэспандэнт Вольга Маслоўская.
На тэрыторыі віцебскага прадпрыемства па вытворчасці цэглы - адны фуры з расійскімі нумарамі. 70% прадукцыі пастаўляецца ў Расійскую Федэрацыю. Вядомая якасць - з віцебскай цэглы ўзводзілі храм Хрыста-Збавіцеля ў Маскве - і канкурэнтны кошт падагравае цікавасць будаўнічых кампаній. Вось і яшчэ адзін рэгіён - Ліпецкі - з нядаўніх часоў у спісе пастаянных партнёраў.
Пётр Прыжытомскі, дырэктар ААТ Кераміка прадпрыемства па вытворчасці будаўнічых матэрыялаў: З мінулага года мы працуем з Ліпецкай вобласцю. Летась адгрузілі па экспарце 0,2 %. Гэта 200 тысяч штук умоўнай цэглы. На Ліпецкую вобласць мы пастаўляем толькі паўнацелае цэгла. Сёлета за 5 месяцаў адгрузілі 140 тысяч штук. Нам важная кожная тысяча.
Ліпецк - горад металургаў, цэнтр падрыхтоўкі асаў авіяцыі. Віктар Нікалайкін, старшыня Віцебскага гарвыканкама: Наша задача, каб стварыўшы такую платформу паміж гарадамі на ўзроўні кіраўніцтва гарадоў, падпісаўшы дамову аб пабрацімстве, мы маглі выйсці на больш сістэмныя сувязі паміж прадпрыемствамі.
Абодва гарады перажываюць будаўнічы бум. Экспарт будаўнічых паслуг - тое, аб чым пойдзе размова на сустрэчы мэраў. Пытанні добраўпарадкавання, транспарту, дарожнага будаўніцтва, турызму - супрацоўніцтву ў любой сферы будзе дадзенае зялёнае святло.
Мікалай Разваротнеў, дэпутат Дзяржаўнай думы Расіі:
Адзін з пунктаў дамовы аб пабрацімстве - гэта ўсталяванне сувязяў паміж навучальнымі ўстановамі. Я паспрабую ўвесь свой патэнцыял выкарыстаць для таго, каб і ВНУ, і ССВНУ розных кірункаў завязалі сяброўства. Гэта звёны аднаго ланцуга. Гэта дазволіць нам устанавіцьм пабрацімскія сувязі.
Дарэчы, студэнцкая творчасць - неад'емная частка жыцця двух гарадоў. Гэта цэнтры моладзевага жыцця ў сваіх рэгіёнах.
Віцебск стане пятым пабрацімам Ліпецка. Расійскі горад паспяхова супрацоўнічае з рэгіёнамі Беларусі. Найболей дынамічна гэта адбываецца ў сферы гандлю. У Ліпецку дзейнічае цэлая сетка магазінаў прамысловых і харчовых тавараў беларускай вытворчасці, рэгулярна праводзяцца розныя кірмашы.
Запрашэнне на Славянскі базар ужо атрымалі творчыя калектывы Ліпецка. Змогуць ліпчане ацаніць гістарычны і турыстычны патэнцыял Віцебска, бо падпісанне дамовы аб пабрацімскіх сувязях адбудзецца ў дні святкавання 1040-годдзя горада на Дзвіне.
